<$فناكيش$>
لما تتجمد شجرة الكرز ...........
صور بجد أسرتني بجمالها ......سبحان الخالق    التسميات: صور |
مدونة لطيفة
في مدونة كل ما ادخلها استمتع بقرائتها بشكل ملفات للنظر بصراحة من اكتر المدونات الي بستمتع بيها جدا جدا جدا لإن صاحبتها بتكتب بأسلوب حر وحلو ومش بتكتب كلام مكلكع المدونة اسمها شمعة لصاحبتها نوران بتعيشك في الجو الخاص بيها واكتر من كده بتحس انك بتتفرج على فيلم كوميدي يا ريت لو بتكونو بتستمتعوا بالمدونة زيي كده وانا متأكد من كده لإن المدونة عليها اقبال كبير جدا والردود كتير جدا وحصوة في عين الي ما يصلي على النبي التسميات: دماغي |
<$فناكيش$>
مشكلة التصنيف وأول بوست
مش عارف ابدأ منين بالظبط لكن انا بقالي كتير اوي بقرأ في المدونات الكتير اوي ده علشان اشوف اي ممكن يكون اول موضوع احطه في المدونة ايه اول حاجة ممكن اتكلم عليها او فيها ما كنت عاوز اكتب تدوينة احط فيها كم صورة طريفة وغربية علشان مدونتي لا تصنفكمدونة تافه ما كنت عاوز احط تدوينة سياسية علشان مدونتي لا تصنف كمدونة سياسية ونتاخد تحري ولا حاجة ما كنتش عاوز احط تدوينة فيها رأيي الشخصي عن اي حاجة علشان ما اصنفش كمدونة واحد جي يفضفض وخلاص بجد الموضوع صعب لكن لقيت الحل واني احط اكتر من موضوع مرة واحدة وفي كل المجالات وهوه ده اول موضوع هيجي وراه كام موضع كمان التسميات: دماغي |
<$فناكيش$>
هدف المدونة
المدونة مش هتبقى زي بقيت المدونات كل هدفها اني انشر رأيي واناقش المواضيع المطروحة في الساحة العربية والمصرية المدونة بإذن الله هتكون مدون منوعة فيها خلاصة المدونات من مواضيع ((وطبعا حقوق الملكية الفكرية محفوظة))..باختصار اكتر من كده ناوي احط فيها فئات المواضيع التي تم اكتشافها حتى الآن والتي لم يكتشفها احد سواء كانت المواضيع ديه موجودة في مدونات تانينة او انا الي كابتها بنفسي او من هنا وهناك بإذن الله سوف تنال على عجابكم المدونة استنوا وانتو هتشوفوا بنفسكم التسميات: دماغي |
<$فناكيش$>
أول تدوينة رسمية
 أول تدوينة رسمية بأعلن فيها افتتاح مدونتي للجميع....وزي ما انتم شايفين الاحتفالات تضيء سماء عالم المونات  اترددت كتير قبل ما ابدأ الشغل في المدونة لإن انا بطبيعة الحال من محبي تصفح المدونات لذلك اعلم الكمبية الهائلة للمدونات العربية الموجودة على النت علشان كده عملت واحدة من باب اني اوضع تحت بند مالكي المدونات لكن فوجئت بأن للمدونين جريدة الكترونية ....وفوجئت ان لديهم اجتماعات بيتقابلوا فيها وجها لوجه ويعرفو بعض بشكل شخصي .....وكل ما اروح مدونة الاقيهم بيتكلمو على مدونة تانية من الآخر ده مجتمع له كيانه المنفصل الي علشان اعمل مدونة ناجحة لازم اكون جزء من العالم ده ما عرفتش ابدأ منين ما عرفتش اتعلم منين ما عرفتش اعمل اي حاجة خالص لحد ما لقيت الصورة ده  شفت بصيص من الأمل بإني ممكن اعمل شيء كويس ....بإني ممكن أفيد حد حملت الدروس على الجهاز كلها رجعتلها سمعتها اكتر من مرة ..بعد ما اتقنتها كنت عاوز اعمل اي حاجة لأشكر محمد حمدي على دروسه ديه ....كل كلمات الشكر لا تكفي رجل مثله رجل اتقن عمله افاد الكثيرين والكثيرين بدأت اطبق في المدونة بدأت ابحث عن اكواد واضفها للمدونة .....وها هي المدونة تطل عليكم في ابهى حلة بالتأكيد باقي الكثير والكثير من الشغل وبالتأكيد لأثبت نفسي وسط هذا المجتمع ((مجتمع المدونين)) يجب ان اعمل واعمل واعمل وفي النهاية سيظل كل الشكر والامتنان للأستاذ محمد حمدي صاحب مدونة دماغي التسميات: دماغي |